例句：“好話唔好聽，意外保險係應該買嘅，萬一你有乜冬瓜豆腐三長兩短忽然間瓜咗，你老婆仔女都有一筆錢保障啦！”
我發現廣東話中，那個“話”字妙用無窮，就像打麻將的百搭牌“飛”一樣，可以左搭右砌，衍生出種種包含各樣意思的句法，好使好用，十分有趣，例子數之不盡。
“話時話”——這是“順帶一提”的意思，通常是從一個話題過渡去另一個未必相關的話題時使用。例句：“話時話，你除咗鍾意睇戲之外，會鍾意睇書嗎？”這跟那句“講開又講”用法相近。
“話齋”——這並非指以“食齋”作為閒談話題，而是在引用別人的見解，而自己也認同這種說法的情況下使用。例句：“好似睇相佬話齋：頭尖額窄，冇厘貴格！嗰條麻甩佬正係頭尖尖、額窄窄，天生一副賤格相。真係睇佢個樣，唔使燒炮仗！”
話之你死人冧樓 關我屁事咩
“好話嘞”——假如初相識者問你貴姓大名時，你作自我介紹的開場白。例句：“好話嘞！我姓潘名俏安，人稱‘英俊瀟灑玉樹臨風人見人愛萬人迷俏潘安’正是在下，失禮失禮！”
“好話唔好聽”——好話往往是不中聽的，當準備說出一番逆耳的忠言，或是可能令聽者感到忌諱及不快時所用。例句：“好話唔好聽，意外保險係應該買嘅，萬一你有乜冬瓜豆腐三長兩短忽然間瓜咗，你老婆仔女都有一筆錢保障啦！”
“話之你”——就是“懶得管你”之意，表示對方某些個人的事與自己無關，所以展現出一副漠不關心的態度。例句：“話之你死人冧樓，關我屁事咩?!唔好煩住晒，有嘢留番拜山先至講啦！”逾30年前無線電視有一部取其諧音的處境喜劇叫《開心華之里》，許冠傑也有一首歌叫《話之你九七》，唱出香港一些人的心態：九七大限來了又如何?!總之“天跌落嚟當被冚”，話之你死啦！
“話唔埋”——與“話唔定”意思相近，表示難以作出預測。例句：“你千祈唔好咁老定，你同你女朋友分隔兩地，所謂山高皇帝遠，話唔埋佢喺嗰邊識咗第二條仔，遲早飛咗你呀！”
“話咁快”——形容不知不覺時間過得很快。例句：“嘩！話咁快原來我已經結咗婚十年了喎！‘化骨龍’都生咗三條出嚟咯！”
“話都冇咁快”——形容“說時遲，那時快”。例句：“我啱啱想攞錢出嚟請佢食飯，點知話都冇咁快佢已經一支箭咁飆咗去櫃枱搶先一步埋咗單了！”
“話到尾”——說到底、不管怎樣說的意思。例句：“你又唔怪得你老婆咁憎你喎，話到尾都係你出軌偷食，唔啱在先！”
“咪話”——別說、姑勿論之意。例句：“先小人後君子，咪話我唔提醒你先，借我嘅錢敢唔還?!哼！一定搞到你全家雞毛鴨血，成世冇運行！”
“係咁話啦”——這通常是與人結束一段談話前的最後結尾語句，帶有“一言為定”的意思。例句：“好啦，我哋就拜六晚七點喺殯儀館見面，係咁話啦！拜拜！”
“大家咁話”——當人家對你說出祝福賀語，你也要向他作出同樣祝賀的回應語句。舉個例子，友人說：“今日年初一，我祝你身體健康，橫財就手！”你可以答一句：“大家咁話！”但假如當日是你結婚大喜日子，親友們紛紛祝福你“新婚快樂”時，你卻不適宜回應他們：“大家咁話！”因為這天只是你結婚，又不是他們結婚，切勿“搞錯對象賀錯人”！
（光明日報／副刊專欄‧作者：李系德）