母親節張智霖一家天倫樂 魔童一句話靚靚甜哂

母親節應該要好好把握時間慶祝，近月回歸IG的袁詠儀（靚靚）兒子「魔童」，昨日上載了一張搭住媽咪膊頭的背影照，高呼「我愛媽媽！」魔童今年14歲，已比靚靚高了一少截，甚有爸爸張智霖（Chilam）風釆。

日前Chilam一家三口現身中環置地廣場，《蘋果》記者發現Chilam一家時，他們正打算離開往停車場取車，剛巧靚靚在ift遇到朋友，便停下來跟朋友聊了幾句，父子二人在旁等候期間，好動的魔童不停出拳作狀打向父親背部，兩父子還像耍詠春一樣過招。

靚靚和朋友僅聊了幾分鐘，便揮手講拜拜，Chilam和魔童先行取車，兩父子一路行還在一路過招，拳來拳往，沒一刻停下來，但看得出父子感情親厚，之後三人一齊坐𨋢去停車場，不過靚靚突然在地庫一層出𨋢，入了一間店舖取東西，Chilam父子就先去取車，然後在停車場門口接靚靚上車。